JOKE ABOUT LIZARD (BUTIKI)

Maayong hapon kanatong tanan, ug sa tanang tigpa minawan niining atong Programang... Handuraw sa Kagahapon, kini matag hapon nga tanan dinhi sa atong paboritong istasyon DXKC nga nag sibya gikan diri sa atong dakbayan sa Kayok.
Ala-una hangtod kita alas-tres sa kahaponon.

Kini ang inyong higala si SENTJON ang makig-uban kaninyo, ug mo balik lantaw sa atong mga kagahapon, nga nagbilin kanato ug mga makalipay ug usahay mga masakit nga kasinatian sa atong Kinabuhi.

Karong hapona, ato diay'ng tagaan ug pagtagad kining sulat tampo sa atong suking tigpaminawan nga gikan pa kini sa Labason, Zamboanga del Norte. Kining maong binuhat usa ka lalaki, nga taguon ta lang sa pangalang Ricky Ortega.

Ang iyang sulat nagkanayon;

Dear SENTJON,

Usa ako sa libo-ka-libong tigpaminawan niining imong tulomanon matag hapon nga tanan ang, HANDURAW SA KAGAHAPON. Tagoa lang ako sa pangalang Ricky Ortega, nga ania nanimuyo sa bukirang bahin sa Labason, Zamboanga del Norte. Naaghat ako pag-padala niining akong sulat tampo gumikan sa problemeng akong gihambin karon... Nagsugod kining akong problema sa dihang naka-ila ko ang isa ka binuhat nga tagoon ta lang sa pangalang Arnulfa Alveria. Kini si Arnulfa SENTJON, maanyag nga pagka-binuhat puti ug hamis ang iyang pamanit ug taas ang iyang buhok.
Ambot ba SENTJON nga sukad nga ako siyang naka-ila, sa matag takna ako
ng mahanduraw ang iyang tam-is kaayo nga mga pahiyom ug dili naman nuon nako malimtan ang iyang maanyag nga panagway. Inig lantaw nako sa Kisami iya namang nawong ang akong makita......... unya inig lantaw nako sa bongbong iya gihapong nawong ang akong makita...... inig lantaw nako sa salug iyang nawong na pod ang akong makita...........

SENTJON mangutana ko...... Unsa man ni si Arnulfa BUTIKI???????