Sampol..........

Cindy: Nong tilawi na ning among pagkaon o, libre lang ni Nong.
Darwin: Libre lang bitaw mag tilaw Day????
Cindy: Oo Nong. Sige tilaw na.
Darwin: (Mikuha ug plato ug kutsara ug mi-tilaw) Waaah.. pan-os ma ni inyo sud-an Day uy...
Cindy: Oo, mao nay mahitabo kung ang sud-an dili ibutang sa refrigerator Nong. Busa palit na sa among ref para dili mapan-os ang inyong sud-an.

Hahahahahahahahahahaha tagggggggggggggggaaaaaaaaaaaaaaaaaammmmm.

Kinsa Gyud Ang Uyab......

BF: Ga, kinsa man jud sa akong mga amigo ang na-uyab nimo ug maoy naka-virgin nimo????
GF: (Naghilom-hilom lang)
BF: Si Darwin ba????
GF: (Naghilom-hilom lang gihapon)
BF: Si Hansel ba??????
GF: (Naghilom-hilom lang gihapon)
BF: Si Jesron ba??????
GF: Unsa man gyud pagtoo nimo, ikaw ra ang dunay amigo!!!!!!!

TRABAHO

Ang trabaho sa sinugdanan, atong pangitaon

Bisa’g unsa na lang atong dawaton.

Apan sa kadugayan, kung ikaw mapul-an,

Buntag, udto, hapon reklamo madunggan.

Ang lisod pa gyud, maka-boss ka’g way klaro,

Iya tanan ang masunod bisag wala’y siguro.

Pero isip trabahante, ikaw kinahanglan mo tuman,

Ang respeto sa Boss mao ang kinahanglan.

Kung ikaw manarbaho, duna kay amo,

Nga sa mata’g adlaw magpalabad sa imong ulo.

Ang wala nato masabtan, ilabi na sa kadaghanan,

Nga ang atong Boss sa tag-iya lang mi-tuman.

Kung manarbaho ka, ayaw sige ug reklamo,

Kay basta manarbaho, duna gyud kay amo.

Kung gusto kang dili buyagon ug dili sugoon,

Ang pag negosyo maoy maayong buhaton.

Kana maoy sulbad sa atong problema,

Sa boss nga bungoton ug pirmi lang ka Makita.

Puhonan pangitaon, para negosyo masugdan,

Aron sa imong Boss dili ka masugoan.

Ang KINABUHI

Ang atong kinabuhi nindot nga palandungon,

Kalipay ug kasakit atong maangkon,

Sa bata pa kita daghan ug pangandoy,

Sa lawod sa pag sulay andam mo langoy.

Dili tanang kalipay atong makab-ot,

Dinhi sa kalibotang puno sa kagubot,

Apan dili kalimtan nga atong lingi-on,

Ginikanang naningkamot atong amumahon.

Gibanlas man kita bisan asang lugara,

Sa atong pagpaningkamot pwerting busy-ha,

Nagkalain-laing posisyon ang atong na-angkon,

Kay daghan pang pangandoy gustong kab-uton.

Kini akong balak daghan pa untang sumpay,

Apan ang paniudto kanako nangamay.

Bitok sa akong tiyan pwerting palakpak,

Ang ako pod nga wa-it sige ng pamaak.

Busa kining balak ako ng tapuson,

Para ang tiyan masudlan ug pagkaon.

Para duna ta’y kusog nga mo lahutay.

Sa atong gipadulngang bukid sa pagsulay

My Life in Liloy, Zamboanga del Norte My Hometown - Part 3

Sumpay sa Part 2......... Pasensya nadugay ang sumpay...na busy man ko sa bag-ong assignment...

Hapit kada adlaw mo hapit gyud mi ug kamaisan para mang-hagdaw ug mais usahay manguha ug bayabas kay para pa bayloan ug papel sa among mga classmate. Usa ka adlaw...ulan to siya gipapauli mi ug sayo kay lagi para dili maabtan ug baha...pag-uli namo may 6 by 6 man to sila Junior Jatico man to, gipahakot mi ug bato kay para daw malubong ang truck naa mi ibangil sa ligid kay mosaka daw sila ug Malila..mao nga mihakot pod dayon mi ug mga bato...sa dihang paghuman namo ug hakot miingon siya nga dili na lang sila mo dayon kay gabii na.. kasakit..nagbaklay mi pauli sa amoa nga ngit-ngit na gyud tawon mi naabot ug Malila L. Ang among mga silinga didto sila Benvinido Catapan ug may anak to siya nga kaedad nako si Roselyn, si Manang Poni nga Mama pod sa akong classmate nga si Tata Rey Villafuerte, sa pikas side balay ni Condrad nalingaw gyud ko sa Malila kay Grade 2 pa lang ko kabalo na gyud ko magdaro basta patag lang. Walay eskwela pagka-lunes kung walay agi sa daro anang Sabado..mao nay balaod ni Molex ang akong pinanggang amahan.

Kada Domingo manikop ug mamukot mi sa suba sa Molos, ug didto nakaagi ko nga hapit malumos, kung nahitabo to dili gyud nako ma share ang akong life sa inyoha...hehehehehe. Thanks God para malibot nako ang Pilipinas...hahahaha

May nadawat mi nga prenda sa Malila T sakop sa Tampilisan, mag-duaw lang mi didto ug mamugas ug mais, usahay sa tabo didto manabo sab mi... didto nako nakita ang mga sakop sa grupo nga TADTAD o Pulahan nga gapurong ug mga pula nga panapton ug ga-takin ug tag-as nga sundang, kay kusog man kaayo sa una ang mga NPA sa Malila. Ang kapitan sa una didto si Wennie Abrenica pa to, naa sad mi mapalit nga yuta didto sikbit sa ilang luna, makahinumdom daghan pa kaayo to ug uway nga luna ug duol lang to sa utlanan sa Compra ug may dalan paadto ug Goin.

 Sa Grade 3 na ko mi-desisyon ang akong mga ginikanan nga magbalhin sa Kayok sakop gihapon sa Liloy mao to nga gipapuyo ko nila ug balay sa may Crossing sa Compra ug talagsa na lang ko maka-uli ug Malila. Kada Byernes ko sugaton sa akong amahan para mag-uli ug Kayok, usahay kung madugayan siya, mo baklay lang ko ug didto na ko niya masugatan sa Landing o Comunal. Ang mga Bus sa una naa pa toy Lillian, Tomawis ug Carina pero hadlok ko magsakay basig paninglan ko ug pliti unya wala man koy kwarta...mao nga baktas gyud ang pobre....hehehehehe kay pobre man jud.... sa sunod na pod

My Life in Liloy Zamboaga del Norte My Hometown - Part 2

Unya padayon ta.....

So.... mao to nalipay ko nga ma-transfer ko ug Compra...kay higway na man makakita na pod ko ug truck. Kay sa bukid baya wala gyuy truck makita didto sa Malila L ug sa Goin pod although may dako nga dala, kasagaran mo saka didto nga truck mga 6 by 6 nga truck kay maghakot ug kopras. Ug nadayon gyud ko ug transfer pagka Grade 2 nako sa Compra Elementary School, ug pagsugod sa klase alas-4 pa lang sa kadlawon magmata ug maligo kay para paghayag sa kalibotan sugod na mi ug baktas paingon sa Compra. lain pay ato...dili paghayag sa adlaw ang akong gigamit kay mohayag man ang kalibotan bisag wala pa mi-bidlisiw ang adlaw..hehehehehe. Siguro bana-bana nako mora ug 6 hangtod 7 kilometros siguro ang among baklayon kada buntag ug hapon para lang gyud maka-eskwela.

Usahay kung ulan paulion mo ug sayo sa among mga teacher kay para dili maabtan ug baha. Bibo pod mi kaayo kung mag-ulan...ibutang namo ang among mga notebook ug papel sulod sa cellophane dayon sulod sa among bag ga NET BAG, ang tsinelas ibutang sa duha ka bukton ug isuot ang strap, dayon lumbaanay dayon ug panagan pauli sa Malila. Ang pinaka-dako nga sapa nga among tabukan mao ang Bogatong (ambot sakto ba kaha ang spelling ani). Pag-abot namo didto..bibo na kaayo ug daghang mga ginikanan ga hulat sa pikas o sa atbang. Nagbutang na daan sila ug duha ka pisi, pisi sa tiil para among latayan ug pisi sa kamot para among gunitan. Usahay may mga estudyante pa nga ang bag mahulog ug ianod sa suba..pagka-looya sa mga bata.

Tibuok tuig sa akong Grade 2 mao toy among adlaw-adlaw nga buhaton, usahay kung ulan mo silong mi sa mga Purok sa mga Krosing ug didto na magsugod nga dili na mi usahay mo sulod sa klase tungod kay malingaw na mi magdula ug JOLEN o HOLE o MARBLE...hahahaha kamo na lang sabot ana. Usahay manghagdaw pod mi sa mga kamaiasan nga human na ug sanggi ug usahay mapuno ang among netbag sa nilubo nga hinagdaw nga mais. Ug mao toy hinungdan nga sa akong Grade 2 wala na gyud ko Ribbon nga mao gyud pangandoy sa akong mga ginikanan...Ang akong ma remember nga mga teacher sa una si Ma'am Tabanao man siguro to, Ma'am Boris ug dili nako malimtan nga classmate si Cynthia Nadala... (kapoy na man ug type sa lunes na pod pohon kay ugma leave ko....bye bye)

My Life in Liloy, Zamboanga del Norte My Hometown - First Edition

I studied my elementary sa Goin Elementary School when I was 6 years old, dili pa gyud unta ko dawaton sa Teacher because of may age. Pero tungod kay mohilak man gyud ko mao nga gipasulod ko niya as a visitor, kay obserbahan kung mo in ko sa mga lesson niya. Enjoy kaayo ko during that time tungod kay hinatod ko wheels sa akong Bestfriend karon ang akong amahan. Tungod lagi kay ang Goin layo man sa Malila L nga mao ang among gipuy-an, moabot ug kapin 5 kilometers ang gilay-on, mao kada adlaw ihatod gyud ko niya sa among service...ang among CARABAO... Tungod lagi kay bata pa, usahay kung padad-an ta ug gamit sa atong inahan mawala, mao nga gihimoan gyud ko niya ug special nga gamit nga dili gyud nako malimtan ug bahala ug mawala nako dili ko niya mabunalan...mao ni ang BUNLAY NGA KAHOY or in English ambot kung sakto ni...WOODEN BOLO... hahahahaha.

Sa akong pag-pursige sa akong eskwela pinaagi sa tabang sa akong inahan..nakatapos ko sa akong Grade 1 isip First Honor....lipay kaayo ang akong amahan ug amng akong inahan.. Tungod lagi kay ang Goin tuyoon man ug ang akong amahan naka sulod ug trabaho sa usa ka kooperatiba sa Liloy, iya kung gipa-transfer sa Compra para mahatod ug ihapit lang ko niya sa matag adlaw...tuod man mi transfer ko sa Compra Elementary School. Ug tungod ani lipay kaayo ko tungod kay sa uang higayon.......(ugma na pod ang sumpay kay mag-uli na ko...)