Si presidente Aquino ang kanunay nga nag-biyahe sa Visayas ug Mindanao ang makasinati na unya ug kaharuhay, mas barato ug mas-efficient nga biyahe kung madayon na unya ang gikatakdang pagpa-anindot sa duha ka airport nga naa mahimutang sa Visayas ug Mindanao. Kini human nga gi ablihan na alang sa bidding ang maong mga proyekto.
Kasamtangan na karong gi-anunsyo nga mag-dawat na ug mga proposals ang Department of Transportation and Communication office o DOTC sugod karong September 24 karong tuiga alang sa pag-improve sa airport sa Dipolog sa Mindanao ug Tacloban sa Visayas. Kining maong mga proyekto ang gibana-banang mo kantidad ug 319 Million Pesos sunod sa pasalig ni Pangulong Aquino ang pag-modernize sa tanang pasilidad sa airport dinhi sa nasud.
Kining maong lakang ang gihimo aron maka-imbita pa kita ug daghan nga mga kapitalista para mo bubo ug capital sa maong mga lugar. Ang Tacloban airport ang gi-budgetan ug 252 Million samtang ang Dipolog Airport and adunay 67 Million nga allocation.
Ang airport sa Tacloban ang kasamtangan nga nag serbisyo sa mga biyaheng Manila ug Cebu ug isa sa walo sa pinaka-busy nga airport sa nasud nga adunay gibanabanng pasahero nga sobra sa usa ka milyon kada tuig, matud pa sa DOTC. Kining maong mga lakang ang maka-padugang sa mga turistang mo-bisita, lokal ug international aron ma bisita ang Calbiga Cave, ang mga beach sa Guiunan, ang bag-ohay nga surfing hot spot sa Calicoan Island, San Juanico Bridge, Calvary Hill, Price Mansion ug ang Maria Kanon Madonna of Peace Shrine.
Ang Dipolog airport sa laing bahin ang adunay 200,000 ka pasahero matag tuig nga ang biyahe gilangkuban sa Manila ug Cebu ug Vice Versa. Kini usab nga airport ang sentro sa negosyo sa syudad, Dapitan City ug sa probinsya sa Zamboanga del Norte ug sa sikbit nga probinsya ang Misamis Occidental. Kini usab gi bisitahan sa mga sikat ug prominenting turista tungod sa sikat nga mga beach sa Dakak Park and Beach Resort, Aliguay ug Sulinog Island, Dapitan Bay, Cogon jungle adventure ug ang water adventure sa Sungkilaw Falls.
Kasamtangan karong gipaniguro sa DOTC ngadto sa publiko ug usa ka bidding nga nag-agi sa sakto ug transparent nga proseso.
No comments:
Post a Comment